Kryetari i Kaçanikut merr pjesën në përvjetorin e 775 të Komunës së Moosseedorfit në Bern

Me ftesë të Kryetarit të Komunës së Moosseedorf-it, Petter Bill, kryetari i Komunës së Kaçanikut, Besim Ilazi dhe disa anëtarë të Komisionit për Partneritet me këtë komunë, morën pjesë në ceremoninë e shënimit të përvjetorit të 775 të Komunës së Moossseedorfit “Doorfest 2017”.

Kryetari Ilazi u prit me nderime të larta në këtë ceremoni, ndërsa gjatë fjalimit të tij falënderoi popullin zviceran për bujarinë dhe respektin e treguar ndaj popullit tonë në kohërat më të vështira, thuhet në njoftimin e Komunës.

Delegacioni nga Kaçaniku gjatë qëndrimit në këtë komunë, vizitoi dy kompani të cilat merren me menaxhimin e mbeturinave. Në këtë takim u premtua mbështetje në këtë drejtim, ndërsa u tha se përvojat e mira do të aplikohen edhe në Kaçanik, përcjell albinfo.ch.