Ku në Zvicër është 15 gushti festë publike?

(KEYSTONE/Peter Klaunzer)

Njerëzit në 8 kantone zvicerane dhe në disa komuna do të kenë ditë pushimi të enjten, më 15 gusht.

Gushti është sezoni i pushimeve në gjithë Evropën. Është muaji kur shumë zyra mbyllen, shumë bare dhe kafene të vogla mbyllin dyqanet dhe njerëzit largohen nga qytetet drejt liqeneve ose kalojnë kufirin për të arritur në qytetet bregdetare.

Por, disa njerëz në Zvicër do të jenë edhe më të lumtur këtë muaj – sepse atyre u është shtuar një ditë pushimi shtesë në pagesën e pushimit vjetor – e enjtja, 15 gushti është një festë publike në disa pjesë të vendit, transmeton albinfo.ch.

Natyrisht – siç është tipike për Zvicrën – situata se kush merr një ditë pushimi ndryshon në të gjithë vendin.

Këtë vit 15 gushti është një festë rajonale në Lucern, Obwalden, Nidwalden, Schwyz, Ticino, Uri, Valais dhe Zug. Dhe është një festë në disa komuna në Aargau, Basel-Country, Freiburg, Graubündern dhe Soluthurn.

15 gushti është një datë e rëndësishme në kalendar për shumë pjesë të Zvicrës, sepse është një ditë për të festuar Fjetjen e Virgjëreshës, e cila, sipas të krishterëve, përkujton ditën kur Virgjëresha Mari hyri në parajsë, shkruan thelocal.

Kjo do të nderohet me mesha në kishat anembanë vendit. Por, përveç kësaj, nuk ndodhin shumë gjëra të tjera, ndaj mos prisni parada apo fishekzjarre.

Shumë njerëz në gjithë Zvicrën do të përfitojnë nga pushimet duke u larguar për një fundjavë të gjatë. Ata ka të ngjarë të kenë marrë një ‘bridge day’ pushim nga puna të hënën për të bërë pushimet e tyre më të gjata.

Kur është festa e radhës publike?

Pas të martës në Zvicër janë pesë festa publike rajonale në shtator, ndërsa 1 nëntori (Dita e të Gjithë Shenjtorëve) është festë në disa kantone.

Në dhjetor ka më shumë festa rajonale, ndërsa 25 dhjetori – Dita e Krishtlindjeve – është festë kombëtare në gjithë Zvicrën.