Kosova

Kurti: Arratisja e Enver Sekiraqës, dështim i sistemit gjyqësor

Është urgjencë reforma në drejtësi

E martë, 21 Maj 2024 - 13:15 albinfo.ch

Kryeministri Albin Kurti ka thënë se arratisja e të dënuarit për vrasjen e policit Triumf Riza, Enver Sekiraqa, është dështim i sistemin gjyqësor, përcjell albinfo.ch.

Kurti në mbledhjen e Qeverisë të martën ka theksuar se situata po bëhet edhe më e rëndë kur këto raste nuk po përbëjnë përjashtim.

“Arratisja e personit përgjegjës për vrasjen e tij, Enver Sekiraqës, është dështim i sistemit tonë gjyqësor që vazhdon të arratiset vetë nga drejtësia. Edhe më e rëndë bëhet situata kur këso rastesh nuk përbëjnë më përjashtim, nuk ngjajnë më si rastësi”, është shprehur Kurti.