Kurti e emëron zëvendësministër ish-kryetarin e Leposaviqit, Lulzim Hetemi

Ish-kryetari i Leposaviqit merr detyrë të re në qeveri, ndërsa Kryeministri Kurti i uron suksese në përgjegjësitë e reja.

Ish-kryetari i Leposaviq, Lulzim Hetemi, është emëruar zëvendësministër në Ministrinë për Komunitete dhe Kthim, përcjell albinfo.ch.

Sipas një komunikate nga Zyra e Kryeministrit të Kosovës, Hetemi ishte zgjedhur në krye të komunës së Leposaviqit në zgjedhjet e jashtëzakonshme lokale të 23 prillit dhe kishte shërbyer në këtë detyrë deri në përfundim të mandatit.

Në njoftim bëhet e ditur se Albin Kurti ka marrë vendim për emërimin e tij në këtë pozitë qeveritare, duke e uruar për detyrën e re.

“Kryeministri i Republikës së Kosovës, Albin Kurti, ka emëruar Lulzim Hetemi në pozitën e zëvendësministrit në Ministrinë për Komunitete dhe Kthim. Kryeministri Kurti e uroi Hetemin për detyrën e re dhe i dëshiroi suksese në përmbushjen e përgjegjësive të reja”, thuhet në njoftim zyrtar.

---