Kurti e Osmani, në varrimin e Albright, takohen me Sekretarin Blinken

Presidentja e Kosovës Vjosa Osmani e kryeministri Albin Kurti morën sot pjesë në ceremoninë e varrimit të ish-sekretares amerikane të shtetit, Madeleine Albright.

Në margjinat e kësaj ngjarjeje, ata u takuan me Sekretarin e Shtetit, Anthony Blinken.

Osmani përmes një statusi shkruan se falënderuan për kontributin e jashtëzakonshëm të Shteteve të Bashkuara të Amerikës në forcimin e shtetësisë së Kosovës, si dhe për lidershipin e treguar nga SHBA-ja në kohën kur paqja dhe demokracia në Evropë po cenohen sërish.

“Mbështetja e vazhdueshme dhe vlerat e përbashkëta janë garanca më e fortë e miqësisë së palëkundur me SHBA-në”, shkruan Osmani.

 

---