Kurti i bën thirrje Serbisë: Ndalni nxitjet për dhunë para se të ketë humbje jete

Keystone (AP Photo/Franc Zhurda)

Menjëherë pas sulmit të mbrëmshëm me granatë dore në objektin e komunës së veriut të Mitrovicës ka reaguar kryeministri i Kosovës, përcjell albinfo.ch.

Ai përmes një postimi në rrjetin social në Twitter ka shkruar se fatmirësisht nuk ka pasur persona të lënduar, por vetëm janë dëmtuar dy vetura.

Po ashtu, Kurti ka kërkuar nga Serbia që menjëherë të ndërpres nxitjen për dhune para se të humbasin jetë njerëzish.

“Mbrëmë ndërtesa e komunës në veriut të Mitrovicës është sulmuar nga dy granata dore, duke shkaktuar dëme në veturat e afërta. Fatmirësisht asnjë person nuk u lëndua, por mund të kishte ndodhur lehtësisht. I bëj thirrje Serbisë që menjëherë të ndërpresë nxitjet për dhunë para se të humbasin jetë”, ka thënë Kurti.