Kurti, në samitin e Vjenës

Ka përfunduar Samiti i Ballkanit Perëndimor, ku kancelari austriak, Sebastian Kurz, ka pritur krerët e qeverive të këtij rajoni.

Mediat austriake kanë publikuar pamje nga ky samit dhe nga pritja që Kurz u ka bërë liderëve të Ballkanit Perëndimor.

“Austria do të jetë krah i fortë i vendeve të Ballkanit Perëndimor derisa ato të anëtarësohen në BE”, ka thënë Kurz në këtë takim.

Edhe kryeministri Kurti ishte pjesë e këtij samiti. Pas pak, Kurz pritet të dalë në një konferencë për media.