Kurti takohet me Scholzin dhe kryeministrin spanjoll Sanchez

“Me guxim. Për Evropën” është slogani i Kongresit të 30-të dhe jubilar të Partive të Socialistëve dhe Demokratëve Evropianë – PES Congress 2022, në Berlin, përcjell albinfo.ch.

Në këtë Kongres janë të pranishëm edhe kryeministri i Shqipërisë Edi Rama si dhe kryeministir i Kosovës Albin Kurit.

Kryeministri i Kosovës ka pasur takime edhe me kancelarin Olaf Scholz, bashkëkryetarin e Partisë Socialdemokrate të Gjermanisë, Lars Klingbeil dhe shumë personalitete të tjera nga këto parti.

Stefan Löfven është zgjedhur President i ri i PES, në vend të Sergei Stanischew, President i deritanishëm.

Gjatë qëndrimit të tij njëditor në Berlin kryeministri i Kosovës, Albin Kurti është takuar edhe me kryeministrin e Spanjës, Pedro Sanchez si dhe me kryeministrin e Portugalisë, Antonio Costa.

Kurti në fotografitë e publikuara shihet i afërt me Sanchez.

Spanja është një prej vendeve të BE-së që ende nuk e ka njohur pavarësinë e Kosovës.

I pari i qeverisë së vendit është takuar edhe me kancelarin gjerman Olaf Scholz, deputetë, ministra e liderë të partive socialdemokrate.

“Stefan Löfven i urova pozitën e re si President i PES, kurse e falënderova Sergei Stanischeë për kontributin e tij si President i deritanishëm. Faleminderit kancelarit gjerman Olaf Scholz dhe Lars Klingbeil për organizimin e darkës dhe për të na bashkuar e për të shkëmbyer vlerat e vërteta socialdemokrate. Ishte mirë të takoheshim kryeministrin e Spanjës dhe atë të Portugalisë…”, shkruan Kurti në Twitter.