Kurti thotë se drafti i Asociacionit i prezantuar bie ndesh me Kushtetutën e Kosovës

Kryeministri i Kosovës, Albin Kurti në një paraqitje para medieve në Bruksel e ka quajtur të papranueshëm draftin e paraqitur të Aspciacionit. Për më tepër ai theksoi se ai bie ndesh me Kushtetutën e Kosovës.

“Ekipi Menaxhues prezantoi një draft statut në gjithsej 67 nene. Një draft statut i tillë çfarë dëgjuam e lexuam, është fundamentalisht i papajtueshëm me Kushtetutën dhe përkundër kësaj, ne do të jemi të interesuar të gjejmë zgjidhje”, tha Kurti teksa shtoi se propozimi i një drafti nga ana e tij kishte të bënte me nenin 7 dhe 10 të marrëveshjes bazë.

“Besoj që ajo do të trajtohet me seriozitet nga ndërmjetësit, sepse në atë mënyrë do të ndërtojmë diçka të drejtë”, tha ai.