Kuvajti e njeh shtetin e Kosovës

Shteti i Kuvajtit ka njohur pavarësinë e Republikës së Kosovës dhe do të nisë shkëmbimin e përfaqësuesve diplomatikë në nivel Ambasadorësh, ka konfirmuar zëdhënësi i Qeverisë së Kuvajtit, raporton agjencia e lajmeve kuvajtiane, Kuna.

Ministri shtetëror për marrëdhënie me kabinetin, Ali Al-Rashed, sipas agjencisë Kuna, ka thënë se Qeveria zyrtarisht e njeh Republikën e Kosovës pas udhëzimeve të marra nga Lartmadhëria e Tij, Amir Sheikh Sabah Al-Ahmad Al-Jaber Al-Sabah, dhe do të bëhet shkëmbimi i përfaqësuesve diplomatikë në nivel ambasadorësh.

“Gjatë takimit të kabinetit, Lartmadhëria e Tij, kryeministri Sheikh Nasser Mohammad Al-Sabah, i dha detyrën ministrit të jashtëm që t’i merr masat e duhura për forcimin e marrëdhënieve me Kosovën”, tha Al-Rashed, raporton agjencia Kuna, transmeton Zëri.