Kuvendi i Kosovës sot në seancë të veçantë për Ditën e Gruas

Kjo seancë do t’i kushtohet ngritjes së vetëdijes së shoqërisë për të mbijetuarat e dhunës seksuale gjatë luftës së fundit në Kosovë.

Është bërë e ditur se në Kuvendin e Kosovës me rastin e Ditës Ndërkombëtare të Gruas, 8 Marsit, sot do të mbaj seancë të veçantë.

Thuhet se kjo seancë do t’i kushtohet ngritjes së vetëdijes së shoqërisë për të mbijetuarat e dhunës seksuale gjatë luftës së fundit në Kosovë.

Seanca mbahet në orën 11.00, kurse deputetëve të Kuvendit të Republikës do t’u drejtohet Vasfije Krasniqi-Goodman.

Vasfije Krasniqi është njëra nga femrat e rralla kosovare që ka folur për dhunën e përjetuar seksuale gjatë luftës në Kosovë.

Ajo si 16-vjeçare ishte marrë nën kërcënimin e armëve nga shtëpia e saj më 13 prill 1999 nga një burrë me uniformë të Policisë së Serbisë.

Rreth 20 mijë gra i janë nënshtruar dhunës seksuale gjatë luftës së fundit. Vasfije Krasniqi tanimë jeton në SHBA dhe është nënë e dy fëmijëve.

---