Ky është Rolexi më i shtrenjtë në histori

“Phillips” nuk e publikoi identitetin e blerësit duke thënë se ai ka pranuar të paguajë 17.8 milionë dollarë

Një person është pajtuar të paguajë 17.8 milionë dollarë për një orë Rolex Daytona që i përkiste aktorit të njohur Paul Newman, duke vënë rekord të ri për orët e shitura në ankande, sipas shtëpisë së ankandeve “Phillips” në New York.

Ora Rolex i ishte dhuruar Neymanit nga gruaja e tij Joanne Woodward gjatë kohës që po incizonte filmin “Winning” në fund të viteve 60.

Përdorimi i orës nga Newmani i rriti edhe më shumë famën orës.

“Kërkesat u rritën për të gjitha modelet Daytona, duke u bërë ndër më të kërkuarat prej koleksionuesve”, ka thënë “Phillips”, transmeton Albinfo.ch.

James Cox, një ish i dashur i vajzës së Newmanit, e kishte vendosur sivjet orën e vitit 1968 në ankand. Këtë orë ai e kishte marrë nga aktori në vitin 1984.

“Phillips” nuk e publikoi identitetin e blerësit duke thënë se ai ka pranuar të paguajë 17.8 milionë dollarë.

Rekordi i mëhershëm i një ore dore më të shtrenjtë të shitur në ankand i përkiste Patek Philippe që u shit për 11 milionë dollarë. Rolexi i Newmanit megjithatë s’është ora më e shtrenjtë e të gjitha kohërave. Në vitin 2015 një orë xhepi e Patek Philippe e vitit 1993 u shit për 24.4 milionë dollarë.