Ky është vendimi i gjykatës serbe për mërgimtarin Nezir Mehmetaj

Mërgimtari, i cili jeton dhe vepron në Zvicër, Nezir Mehmetaj, nga fshati Rudicë e Klinës, të premten është ndaluar nga policia serbe në pikën kufitare Merdar dhe u arrestua

Është bërë e ditur se autoritetet e drejtësisë në Serbi kanë marrë vendim për shtetasin nga Kosova, Nezir Mehmetajn.

Thuhet se gjykata në Beograd ka caktuar masën prej 48 orësh për mërgimtarin nga Kosova. Sipas serbëve, ai akuzohet për krime lufte.

Ndryshe, i arrestuari, Neziri, ka afro 30 vjet që jeton në Zvicër. Ai kishte ardhur në Kosovë për shkak se nëna e tij ishte e sëmurë, shkruan indeksonline.

Kësisoj, ai kishte nisur për Beograd për t’ia bërë analizat. Mirëpo, kur po kthehej në Kosovë, ishte ndalur në kufi nga doganierët serbë, duke i thënë se gjendet në ‘Stop listë’, përcjell albinfo.ch.

---