Kosova

Lajçak e Bislimi takohen në Zvicër, flasin për urgjencën e marrëveshjes së normalizimit

E hënë, 15 Janar 2024 - 20:20 albinfo.ch

Emisari special i BE-së për dialogun Kosovë – Serbi, Miroslav Lajçak, është takuar sot në Zvicër me zëvendëskryeministrin e Kosovës, Besnik Bislimi. Lajçak njoftoi se dialogu ishte tema e cila ishte në fokus të kësaj bisede.

“Përpara takimit në Forumin Ekonomik Botëror në Davos, takova zëvendëskryeministrin e parë, Besnik Bislimi, për të diskutuar një gamë të gjerë temash të dialogut dhe pritjet për avancimin e normalizimit të marrëdhënieve me Serbinë në periudhën e ardhshme. Ne ramë dakord që zbatimi i shpejtë i Marrëveshjes për Rrugën drejt Normalizimit është urgjent”, ka shkruar Lajçak në X.