Lajçak: Kosova prezantoi prioritetet, Serbia s’mori pjesë në takimin e përbashkët

Miroslav Lajčák

Emisari i Bashkimit Evropian për dialogun Kosovë-Serbi, Miroslav Lajçak, ka njoftuar për dështimin e takimit të parë të Komisionit të përbashkët për persona të zhdukur.

Lajçak ka thënë se është takuar veçmas me të dyja palët, por Serbia nuk mori pjesë në takimin e përbashkët.

“Sot synuam të mbajmë mbledhjen e parë të Komisionit të Përbashkët për Persona të Zhdukur në nivel komisionesh. Jam takuar veçmas me të dyja palët. Kosova prezantoi prioritetet e saj. Serbia ka njoftuar për mospjesëmarrje në një takim të përbashkët për shkak të zhvillimeve në Kosovë”, ka shkruar Lajçak.