Sport
Lala, trajner i të rinjve të Bajernit?
Mesfushori shqiptar në Basjerndo të përcillte përvojat e tij të vlefshme dhe të siguronte stabilitet te lojtarët e rinj
Kur pritej që veterani shqiptar i futbollit, Altin Lala, i cili prej vitesh luan në Gjermani, të “varte këpucët e futbollit në gozhdë”, duket se papritur i ka buzëqeshur një perspektivë e re. Sipas medieve gjermane (Bild, sport.de etj.) Lala mund të fillojë së shpejti punën e re si trajner i skuadrës U23 të FC Bayernit të Munihut.
Mesfushori shqiptar në skuadrën e madhe të Bajernit do të përcillte përvojat e tij të vlefshme dhe të siguronte më shumë stabilitet te lojtarët e rinj.
Duket se “fajtor” për angazhimin e ri të mundshëm të Lalës është ish kolegu i tij nga Hannover96, Michel Tarnat, i cili aktualisht bën punën e skautit për Bajernin. Ai ka vendosur kontaktet në mes të Lalës dhe klubit të madh gjerman dhe u ka propozuar përgjegjësve të Bajernit angazhimin e shqiptarit.
Lala, pjesën më të madhe të karrierës së tij e ka kaluar me skuadrën Hannover 96. Me gjithë faktin se tash, për shkak të moshës, ai më shumë angazhohet në rolin e zëvendësuesit, vlera e tij dhe vendi në ekipin e trajnerit Mirko Slomka janë të larta dhe Lala edhe në aspektin sportiv vazhdon të jetë një alternativë. Por, sidoqoftë, është pothuajse e qartë se sezoni që po kalon, është i fundit si lojtar aktiv për veteranin shqiptar.
E-Diaspora
-
5 monumente të reja në Europë në nder të Heroit Kombëtar Vendosen monumente të Skënderbeut në tri komuna të Kalabrisë ...
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut