Integrimi
LAPSH e Cyrihut kremton tri festa kombëtare në një manifestim në Bülach

Të shtunën, më 18 mars 2023, në Bülach u zhvillua një mbrëmje e paharrueshme me ç`rast LAPSH i Kantonit të Cyrihut organizoi festimet e Ditës së Shpalljes së Pavarësisë së Kosovës (17 Shkurtin), Ditës së Mësuesit (7 Marsin) dhe Ditës së Gruas (8 Marsin). Mbrëmja ka bërë bashkë mysafirë të shumtë nga diaspora shqiptare e Cyrihut e më gjerë. albinfo.ch raporton nga ky aktivitet.
Kremtimi nisi me himnin kombëtar dhe një mikpritje të ngrohtë nga prezantuesja. Më pas një anëtar i shoqatës foli për domethënien e këtyre tri datave të shënuara dhe theksoi rrugën e suksesshme që ka bërë LAPSH i Kantonit të Cyrihut gjatë tri dekadave të veprimit.
Armosfera arriti kulmin kur një grup fëmijësh me kostume tradicionale shqiptare performuan dhe kënaqën të pranishmit me muzikën e tyre. Aktori i njohur, i ardhur nga Kosova Çun Lajci, me deklamime poezish patriotike dhe Gezim Jaha, me këngë shtuan kënaqësinë e publikut.
Një moment i veçantë i mbrëmjes ishte ftesa e mësuesve të LAPSH Naim Frashëri në skenë. Ata befasuan këndshëm audiencën me një këngë të improvizuar që e vendosi ekipin mësimdhënës në një dritë krejtësisht të re, shkruan albinfo.ch. Më tutje, me recitimet e fëmijëve u dëshmua se letërisa shqipe është përvetësuar edhe nga lexuesit më të vegjël.
Në përgjithësi, mbrëmja ishte jo vetëm një festë e kulturës dhe traditës, por edhe një shenjë e bashkimit të komunitetit shqiptar në Zvicër.
E-Diaspora
-
20 vjet shembull suksesi me kompaninë “ACL GROUP” në Zvicër Nisi me numër të vogël punëtorësh, tani ka qindra sish. Një shembull suksesi në sektorin e...
-
Nga Strellci i Deçanit, në Asamblenë e Komunës Horn të Austrisë
-
Cyrih: Debat mbi shpëtimin e hebrenjve në Shqipëri
-
Zgjedhjet 2023
Një alternativë, zvicerani Alex Pfister, kandidat për zgjedhjet nacionale më 22 tetor 2023
-
Fillim i mbarë i ordinancës së mjekut shqiptar “Gefässmedizin Winterthur»
Jeta në Zvicër
-
Akullnajat e Zvicrës po shkrihen me ritëm më të shpejtë se kurrë më parë Akullnajat e Zvicrës po shkrihen me një ritëm më të shpejtë se kurrë më parë, duke...
-
A do të thyejë edhe tetori rekordin e temperaturave?
-
20 vjet shembull suksesi me kompaninë “ACL GROUP” në Zvicër
-
Kantonet zvicerane rrisin ndihmën financiare për primet e sigurimit shëndetësor
-
A është e vërtetë që duhet të jesh i pasur për të marrë shtetësinë zvicerane?