Lazio bindet për Rashicën, shfrytëzon Taren

21-vjeçari, që ka pasur edhe dy paraqitje për Shqipërinë, shkëlqeu në krahun e djathtë të enjten duke asistuar dy herë në humbjen 3 me 2

Milot Rashica

Lazio është impresionuar aq shumë nga anësori kosovar i Vitesses, Milot Rashica, në përballjen e së enjtes në Ligën e Evropës, sa që është duke e bërë gati një ofertë për të transferuar futbollistin në janar.

21-vjeçari, që ka pasur edhe dy paraqitje për Shqipërinë, shkëlqeu në krahun e djathtë të enjten duke asistuar dy herë në humbjen 3 me 2. Mediat italiane shkruajnë se problemet e shumta që i shkaktoi mbrojtjes së klubit e bindi kryesinë që të kthejë sërish vëmendjen kah kosovari.

Siç shkruan gazeta “Il Messaggero”, Rashica ka bindur kryesinë e Lazios dhe një ofertë për ta transferuar në Itali pritet gjatë afatit kalimtar të janarit. Lazio do të përballet me Napolin, ndërsa pritet të paguajë 10 milionë euro.

Lazio megjithatë shpreson të shfrytëzojë drejtorin sportiv Igli Tare për të siguruar personalisht një marrëveshje me lojtarin. “Football-Italia” shton se Tare dhe klubi italian ishin në negociata me Rashicën edhe në vitin 2015 kur ishte pjesë e Kosovës së Vushtrrisë.

Sezonin e shkuar, Rashica shënoi katër gola dhe asistoi 14 herë në 39 ndeshje për Vitessen.