Leku, zhvlerësim historik kundrejt dollarit

Monedha kombëtare e Shqipërisë është dobësuar ndaj të gjitha monedhave të tjera kryesore të botës

Sipas mediave në Tiranë të cilat bazohen në të dhënat zyrtare nga Banka e Shqipërisë, prej ditësh dollari amerikan e ka kapërcyer kuotën e 130 lekëve, ndërsa paundi britanik për herë të parë po këmbehet në tregun e brendshëm me gati 200 lekë.
Këto kuota historike në kursin e këmbimit janë rezultat i një zhvlerësimit të vazhdueshëm të lekut ndaj monedhave më të mëdha të botës, që nga fillimi i vitit.

Sipas të dhënave të Bankës Nacionale të Shqipërisë, krahasuar me fundin e vitit të kaluar, leku është dobësuar me 11.1 për qind ndaj paundit, 13.3 për qind ndaj dollarit dhe po në ritme dyshifrore ka humbur terren edhe ndaj frangës zvicerane e jenit japonez.

Bëhet fjalë për dobësimin, të ngjashëm me atë që monedha kombetarë e Shqipërisë përjetoi në vitin 2009.