Letra në shishe i kthehet dërguesit pas 30 vjetësh!

E kishte hedhur në lumin Rin shishen me një letër brenda. Letra i është kthyer 30 vjet më pas, nga Afrika e Jugut

“Posta me shishe funksionon”. Nejse, ajo vonon “pak” por dikur, qoftë edhe në mënyrë të tërthortë, vjen. Kështu së paku i ka ndodhur një zvicerani nga lokaliteti Oberriet në Rheintal, i cili kishte hedhur në vitin 1980 në lumin Rin (Rhein) një shishe me një letër brenda.

Vitet kishin kaluar dhe dërguesi, Werner Kühnis e kishte harruar këtë “postim”. Por, pas Krishtlindjeve që posa kaluan, zvicerani merr një zarf interesant nga qyteti Kapetown i Afrikës së Jugut. Brenda saj ishte letra e tij, e dërguar para më shumë se 30 vitesh, që vetë e kishte futur në shishe dhe e kishte hedhur në lumë.

Atë po ia dërgonte një zonjë që e kishte gjetur në plazh të qytetit. Ajo, përmes internetit e kishte gjetur adresën e dërguesit, që ishte shtëpia e prindërve të tij, fare pranë banesës aktuale. Pastaj, Kühnis e ka gjetur përmes facebook-ut dërguesen e letrës.

Por, ai dëshiron që ta falënderojë atë përmes një letre të vërtetë, në shishe, që sërish do ta hedhë në lumin Rin sikur para 30 vitesh. Do të veprojë kështu, edhe pse nuk beson se shishja do të gjejë rrugën nga Rini në Afrikë të Jugut…