Libri “Gjuha shqipe dhe kultura shqiptare”, tashmë në duart e nxënësve në diasporë

Kryeministri i Shqipërisë, Edi Rama, përmes një postimi në rrjetet sociale ka ndarë lajmin se nxënësit dhe mësuesit në diasporë kanë tashmë në duar librat “Gjuha shqipe dhe kultura shqiptare” niveli I dhe II, përcjell albinfo.ch.

Rama shkruan se kjo do të ndihmojë në procesin e mësimit të gjuhës së bukur shqipe, traditave dhe kulturës tonë, për brezin e ri.

 “MIRËMËNGJES dhe me fillimin e mbarë për klasat shqipe në diasporë, ku librat “Gjuha shqipe dhe Kultura shqiptare” niveli I dhe II janë tashmë në duart e nxënësve dhe mësuesve, që me shumë dashuri dhe përkushtim po u mësojnë gjuhën e bukur shqipe, traditat dhe kulturën shqiptare, uroj një ditë të mbarë”, shkruan ai.