Liderët e vendeve evropiane, “në hall” me qytetarët e pavaksinuar

(KEYSTONE/Laurent Gillieron)

Derisa ritmi i vaksinimit kundër koronavirusit në Evropë ka treguar shenja ngadalësimi, liderët e vendeve po përdorin forma të ndryshme të bindjes që qytetarëve për t’u vaksinuar.

Pagesat me para, turnet falas në stadiume futbolli e deri te mishi i pjekur falas, janë disa nga “shpërblimet” që autoritetet e vendeve po u japin qytetarëve të tyre për vaksinim. Varianti Delta po përhapet në tërë kontinentin, me ç’rast vendet po rrezikohen nga një izolim i radhës, që mund të bëhet në një valë të re të COVID-19. Për këtë, disa udhëheqës kanë nxjerr “shkopinjtë”.

Duke u përballur me një rritje të infeksioneve me COVID-19, Greqia rrezikon ringjalljen e industrisë së turizmit, si industri kryesore. Ajo ndaloi futjen e personave të pavaksinuar në ambientet e brendshme të restoranteve, në bare, kafene dhe kinema. Ajo urdhëroi vaksinim të detyrueshëm ndaj punonjësve shëndetësorë, raporton CNN, përcjell Albinfo.ch.

Ngjashëm është duke vepruar edhe Italia. Ajo urdhëroi vaksinim të detyrueshëm për stafin shëndetësor, derisa ka paralajmëruar masa të rrepta anti-COVID. Italia është ndër shtetet më të prekura nga koronavirusi në kontinentin evropian.