Linda Halimi shkëlqen në “American Idol”

Halimi mori dritën e gjelbër nga juria ku ishte edhe Jennifer Lopez dhe tani ajo do të jetë pjesë e finales të “American Idol”

https://www.youtube.com/watch?v=awgw-z-D5Yg

http://https://www.youtube.com/watch?v=awgw-z-D5Yg

Linda Halimi ka shkëlqyer me paraqitjen e parë të saj në programin e talenteve në Amerikë, “American Idol”. Këngëtarja nga Vitia prej vitesh është shpërngulur nga Kosova për të jetuar me të dashurin e saj, Big D. në Amerikë.

Të  mërkurën në “American Idol” ajo u prezantua me këngën “Man’s world”, ku pjesë e anëtarëve të jurisë ishte edhe Jennifer Lopez. Halimi mori dritën e gjelbër nga ta dhe tani ajo do të jetë pjesë e finales të “American Idol”.

Në postimin e videos nga “American Idol” thuhej: “Storie inspiruese…dhe ajo ka një talent të jashtëzakonshëm”.

Pas paraqitjes, shumë fansa të saj i kanë dërguar mesazhe mbështetëse, saqë Linda nëpërmes një postimi i ka falënderuar të gjithë, duke kërkuar falje që nuk arrin t’iu përgjigjet të gjithëve. “Faleminderit të gjithëve për dashurinë. Ju dua të gjithëve dhe më falni që nuk i kthej të gjitha mesazhet, por ia dolëm për në Hollywood”, shkruan Linda në gjuhën angleze.

Linda Halimi prej vitesh konsiderohet si njëra ndër këngëtaret me zërin më të fortë në muzikën shqiptare.