Kosova

Lirika Deva, e 31-ta në sllallom të madh në LOD për të Rinj Gangwon 2024

E martë, 23 Janar 2024 - 14:20 albinfo.ch

Ekipi olimpik i Kosovës ka debutuar sot në Lojërat Olimpike për të Rinj Gangwon 2024, përcjell albinfo.ch.

Lirika Deva garoi në disiplinën e sllallomit të madh dhe u rendit në vendin e 31-të nga 79 garuese, ku 36 prej tyre nuk përfunduan njërin nga dy lëshimet.

Koha e Devës nga të dyja lëshimet ishte 1 minutë e 54.87 sekonda.

Në një konkurrencë të fortë, pozita e 31-të vlerësohet e suksesshme për Lirikën, e cila do të garojë të enjten edhe në disiplinën e sllallomit.

Nesër në sllallom të madh paraqitet Klos Vokshi.

 

 Të tjera nga Kosova

Kosova, Shqipëria e Kroacia flasin për bashkëpunimin në fushën e mbrojtjes

 E-Diaspora

 Jeta në Zvicër