Lojtarët shqiptarë parakalojnë me Ferrari, Porsche &CO

Në grumbullimin e kombëtares zvicerane...

Sa herë që përfaqësuesja e Zvicrës grumbullohet për ndeshjet futbollistike, në fokus të mediaee zvicerane, përveç tjerash janë edhe veturat luksoze të futbollistëve shqiptarë.

Kështu, gazeta zvicerane “blick.ch” edhe sot ka dal për të i pritur lojtarët e Zvicrës ndërsa ata janë fotografuar derisa kanë arritur me veturat e tyre. Shumica e atyre që në  fotografi kanë dalë me vetura luksoze janë futbollistët shqiptarë.

Ajo çfarë bie më së shumti në sytë edhe të gazetës është BMW X6 e Granit Xhakës, i cili në rrotat e veturës ka shënuar edhe GX34 që janë inicialet e emrit të tij dhe numri që e mban në Gladbach. Përveç Granitit, gjatë arritjes janë fotografuar edhe Valon Behrami me Ferrarin e tij, pastaj me xhipa të markave të ndryshme: Xherdan Shaqiri, Blerim Xhemaili, Admir Mehmeti dhe Pajtim Kasami. Vetëm futbollisti më i ri shqiptar që i është bashkuar Zvicrës, Shani Tarashaj nuk është parë me veturë, përcjell “albinfo.ch”.

Përfaqësuesja zvicerane sot është bashkuar  para ndeshjeve miqësore që do t`i zhvillojë kundër Irlandës (Të premten 20:45, Dublin) dhe të martën tjetër në Cyrih kundër Bosnjës.

Me ta nuk është trajneri Vladimir Petkoviç, i cili për shkak të një rasti vdekjeje ka udhëtuar për në Sarajevë. Po ashtu në mesin e lojtarëve nuk është as Gokhan Inler, i cili nuk është ftuar. Por në përfaqësuesen e Zvicrës për këto dy ndeshje janë ftuar dy lojtarë të rinj: Nico Elvedi (Gladbach) dhe shqiptari Shani Tarashaj (GC), shkruan “blick.ch”.