Falënderohet mjekja shqiptare për punën e saj nga autoritetet londineze

Mjekja shqiptare, Anxhela Gradeci, prej vitesh jeton dhe punon në Londër. Në fund të viteve 1990, Anxhela vetëm 4-vjeçe, familja e saj u largua nga Shqipëria dhe u vendos në Mbretërinë e Bashkuar, transmeton albinfo.ch.

Anxhela studoi për mjekësi dhe sot ajo punon si mjeke në repartin respirator në spitalin Whitington, në Londër. Gjatë gjithë periudhës së pandemisë ajo ka qenë në vijën e parë të trajtimit të pacientëve me koronavirus.

Së fundi, Kryebashkiaku i Londrës, Sadiq Khan, ka postuar një video falënderuese për të gjithë mjekët që kanë qenë në fronin e luftës ndaj COVID, por sidomos për mjekët e ardhur nga vendet e tjera.

Khan, në profilin e tij në Facebook, në Ditën Ndërkombëtare të Refugjatëve ka ndarë historinë e emigrimit dhe të integrimit të Anxhelës.

Në videon e shpërndarë nga kryetari i Bashkisë, përshkruhet historia e Anxhelës.

Anxhela tregon për punën e saj e përditshme dhe se si u bë pjesë e stafit të këtij spitali.

“Pas gjashtë vjetësh mësimi në shkollë mjekësore për sëmundje të ndryshme, erdhi Covid-19 dhe ndryshoi gjithçka.

“Refugjatët janë në vijën e parë në luftën kundër Covid. Kur qeveria kërkoi që vullnetarët të bëhen pjesë e personelit shëndetësor, qindra mjekë të lindur nga jashtë, përfshirë edhe refugjatët, u përgjigjën”, thotë mjekja.

Ajo shprehet se të qenit refugjate e ndihmon atë të shohë njerëz përtej kushteve të tyre mjekësore: “Kur u them njerëzve që jam refugjate, ata zakonisht befasohen. Shpesh, është simpati. Ndonjëherë, është zemërim.

“Unë dua që njerëzit të kuptojnë se refugjatët nuk janë një grup homogjen. Ata janë individë që mund të ofrojnë shumë për shoqërinë”, vijon më tej Anxhela.

Anxhela nuk e mohon faktin e të qenit krenare që është refugjate, pasi sipas saj, janë ata  që po “formojnë botën tonë për mirë”. /Albinfo.ch

https://www.facebook.com/RESCUE.DE/videos/705557773600971/?__xts__[0]=68.ARComFYBWAKKrbf9CLVdvsqm9gyEo6ZE-zm8PpZeRUYsrF48AiEeFKk8WeF1fyxSaoNHjJh-lfxh14thGC4tVRCRYyZsXis0w4clPEIVPAXmsGQvl9opIkvglg8xWS8IzaUEqEUQCxq9qK5XIvysk6GM50Ct1sn684GzO0e2qXZk60e1gwJNY0_pr9uoU9O8vDTrTaNeyMofSZqvP56-mqWjl-8OfmxzrqUIMzFF3fCJKCGWff6EiAERcLHHCWC9y3OgSDi6wP8GVwcmiKhdHldrwwchFPgrl4O5rCN4bG4mt-9pN4raWIHTcgxJAN_3CKHpHvbYbKGPC7FyjKiIqBCwaj1ODM2CsvXrZc_IVAHi5hTYhD0BF6pWN5E&__tn__=-R

 

 

 

 

---