LSDM i kthen “bombat”: BDI në qendër të përgjimeve

Në përgjime dëgjohen përfaqësuesit e BDI-së, kryetari Ali Ahmeti duke biseduar me bashkëpunëtorët e tij, Artan Grubin, Musa Xhaferin etj. për pazare politike, por edhe me liderët maqedonas, Gruevksin, Jankullovsken, Miallkovin etj

(AP Photo/Boris Grdanoski)

Pas një pauze disa mujore,  Lëvizja Social Demokratike e Maqedonisë i ka kthyer bombat në drejtim të partive fituese në zgjedhje. Beteja e përgjimeve sot i është fokusuar BDI-së, pasi ka indikacione se përfaqësuesit e kësaj partie i kanë përafruar qëndrimet me VMRO DPMNE-në për koalicionin e ri qeverisës.

Përfaqësuesit e LSDM-së kanë deklaruar për agjencinë “Meta” se “MOD Network” ka qenë shfrytëzuesi që ka bllokuar edhe më herët “bombat” e LSDM-së, por ato ndërprerje  nuk kanë zgjatur shumë, transmeton Gazeta Lajm.

“Kjo nuk është hera e parë që OMD të bllokojë videoincizimet tona, e kanë bë këtë edhe më herët por vetëm shkurtë”, ka thënë një burim jozyrtar në LSDM.

“Në kanalin e LSDM-së në Youtube dje u bllokuan 17 “bomba” të cilat tani janë rikthyer. Ato mund të bllokohen sërish vetëm nëse OMD ofron dëshmi të plota. Deri atëherë ne ju sjellim sërish disa “bomba” të publikuara nga LSDM të cilat ja vlen të dëgjohen edhe njëherë me vëmendje”, citon.

Ndryshe, bombat e liderit të LSDM-s, Zoran Zaev vijnë vetëm tri ditë para se Nikolla Gryevski duhet ta prezantoj kolaicioninqeverisës. Nëse ai nuk arrita ta bëjë këtë atëherë, mandati i kalon LSDM-së.

Në përgjime dëgjohen përfaqësuesit e BDI-së, kryetari Ali Ahmeti duke biseduar me bashkëpunëtorët e tij, Artan Grubin, Musa Xhaferin etj. për pazare politike, por edhe me liderët maqedonas, Nikolla Gruevksin, Goradana Jankullovsken, por edhe me shefin e inteligjencës, Miallkov.