Lul Dxe: Për bukë të gojës shumë reper sot këndojnë edhe tallava

Reperi shqiptar i njohur në Zvicër “Lul Dxe” rikthehet sërish më një këngë të re në skenën zvicerane

Kënga me titull: “Rückkehr” (rikthimi) është pjesë e albumit “Reditum”, i cili do të dal me 23 tetor. Kënga është lansuar në tregun zviceran dhe atë mund të blihet në të gjitha portalet muzikore.

“Këngën mund ta blejnë kudo në internet në:  iTunes, Amazon, Deezer, Spotify, apo është e mundur që edhe me një mesazh telefonik ta marrin këngën në celularë duke e blerë përmes  “igroove dxe” në numrin 900”, u shpreh Lulëzim Axhami për albinfo.ch.

Ai tha se kënga do ta këtë edhe videoklipin i cili pritet që ditën e diel të lansohet në mediat zvicerane.

Djaloshi nga Kaçaniku i cili jeton në Bern të Zvicrës ka thënë se kënga në gjuhën gjermane “Rückkehr” I kushtohet reperëve si shqiptar ashtu edhe zviceran të cilët nuk dinë të bëjnë rep.

“Shumë repera si zviceran ashtu edhe shqiptarë nuk bëjnë këngë aspak të stilit të tyre.  Mundohen vetëm se si me e ba një këngë që dëgjohet për disa muaj. I thonë vetit repera e këndojnë krejt zhanre të tjera. Për bukë të gojës ata i përziejnë të gjitha zhanret, i bëjnë “tallave”.

Unë nuk bëj këngë vetëm sa për famë, unë e dua repin dhe bëj rep”, pohon DxE duke thënë se muzikën nuk e ka biznes material, shkruan “albinfo.ch”

Luli ka thënë se edhe këngët e tjera të albumit janë këngë tipike rep që flasin për jetën dhe të ardhmen e tij.