Lutje për mëshirë për përleshjen që kishte ndodhur në Monthey

Pesë kosovarët e rinj të dënuar kërkojnë t’iu lehtësohen dënimet gjyqësore për sulmin ndaj Rachel J.

 E përditshmja « 24heures » parashtron pasojat e ngjarjes së dhunshme që kishte ndodhur në kantonin e Walisit.

Pesë të rinj kosovarë ishin dënuar në vitin 2009 për pjesëmarrje në një përleshjeje të përgjakshme në janar të vitit 2007 në Monthey (VS).

Rasti tanimë i ashtuquajtur “Rachel”, me emrin e viktimës,  ka njohur një episod të ri dje në mëngjes në Sion. Dy nga sulmuesit kanë kërkuar mëshirë para gjykatës kantonale gjatë gjykimit në apel.

Në shtator 2009 Gjykata e Monthey kishte dënuar me 12 muaj burgim të parin dhe me burgim 8-mujor me kusht, për të dytin.

Z. Leonard Bender, i cili mbronte të pandehurin të sanksionuar rëndë, vlerëson se dy grushtet e dhënë shokut të z. Rachel J. gjatë natës së famshme të vitit 2007 nuk mund të paguhen me një vendim gjyqësor kaq të ashpër. Ai shtoi se klienti i tij, në moshën 25-vjeçare, nuk ka pasur më asgjë të bëjë me drejtësinë prej rastit në fjalë. Një evolucion i favorshëm që pranon edhe Prokurori publik.

Prokurori që kishte kërkuar gjashtë muaj dënim për shërbim publik në shkallë të parë, beson se çështja e pezullimit mund të shtrohet. Mirëpo, ai i ka kërkuar Gjykatës që apeli të mos pranohet.

Një kërkesë e ngjashme në lidhje me të pandehurin e dytë është bërë nga z. Vincent Frachemboud, kurse protagonisti kryesor ka pranuar vendimin gjyqësor, i cili e dënon me 18 muaj burgim me kusht.