Lajme

Man. United e vendos sërish Kosovën si pjesë të Serbisë

Skandaloze: Sipas Man. United, Kosova si pjesë e Serbisë

E mërkurë, 23 Tetor 2019 - 17:10 albinfo.ch

‘Djajtë e Kuq’ përballen nesër me Partizanin e Beogradit në kuadër të Ligës së Evropës dhe kanë bërë një video me lojtarin serb të kësaj skuadre Matic, ku sërish kanë vendosur Kosovën si pjesë të Serbisë.

Por, duket se United nuk janë në dijeni se harta e Serbisë ka ndryshuar përsëri në vitin 2008, kur Kosova e shpalli pavarësinë dhe u nda përfundimisht nga ish-okupatori, raporton lajmi.net, përcjell albinfo.ch.

Siç tregon edhe fotografia më lart, në hartën e Serbisë të shfaqur në videon e Unitedit, Kosova figuron pjesë e Serbisë.

Tifozët shqiptarë të gjigantit anglez kishin reaguar edhe disa muaj më herët për të njëjtën arsye, derisa klubi i kishte kthyer përgjigje pozitive duke u kërkuar falje.

Muaj më vonë, Manchester United bën gafën e njëjtë, por kësaj radhe e kanë fshirë videon nga rrjetet sociale dhe ajo mund të shikohet vetëm në kanalin zyrtar të ekipit, i cili mund të shkarkohet në AppStore.

 Të ngjashme

Udhëtimi në Kosovë i hap sytë politikanit të SVP-së: “Kemi paragjykuar”

 Të tjera nga Lajme

Katër xhudistë ndalen në luftë në Paris

 E-Diaspora

 Jeta në Zvicër