AT Balkani

Maqedoni: Një viktimë, 141 raste të reja me Covid-19, 161 të shëruar

Ministria e Shëndetësisë raportoi sot për një pacient të vdekur dhe 141 të infektuar me koronavirus brenda 24 orëve.

Rastet e reja të të infektuarve dalin pas testimit të 1885 mostrave.

Në Shkup janë regjistruar 39 raste të reja, Kumanovë-10, Shtip-23, Prilep-1, Tetovë-8, Strugë-6, Manastir-3, Ohër-2, Gostivar-13, Kriva Pallankë-2, Koçani-3, Probishtip-1, Demir Hisar-3, Makedonski Brod-3, Berovë-1, Vinicë-3, Kratovë-1, Shën Nikollë-1, Kërçovë-18.

Instituti i Shëndetit Publik brenda 24 orëve ka regjistruar 161 pacientë të shëruar.

Sipas të dhënave të fundit, numri i personave të vdekur me sëmundjen Covid-19 ka arritur në 529. Në 24 orët e fundit si pasojë e komplikimeve nga Covid-19, në kushte spitalore jetë ka ndërruar një 51-vjeçare nga Shkupi.

Që nga fillimi i pandemisë, në vend me Covid-19 jani diagnostikuar gjithsej 12,083 persona.

Prej tyre, 8,248 pacientë janë shëruar, shkruajnë mediat atje, përcjell albinfo.ch.

Ndërkaq, numri i rasteve aktive është 3,306.