Mark Marku mahnit Kroacinë

“Kroacia kërkon një yll”: e gjithë vëmendja të premten mbrëma në Kroaci i është dedikuar prizrenasit Mark Marku

Ai ka kaluar në gjysmëfinalen e “Kroacia kërkon një yll”, pas një performance të jashtëzakonshme, që ka bërë publikun dhe jurinë e emisionit të mbesin pa fjalë.

Marku ka intepretuar këngën e vjetër maqedonase ‘Zajdi, zajdi”, që së fundi identifikohej me Tose Proeskin. Ai ua ka dedikuar këngën motrave të tij që nuk i ka parë tash e 7 muaj. Anëtarët e jurisë e kanë ngritur në qiell njeriun tonë.

“Për mua është gjithmonë e vështirë të dëgjoj ‘Zajdi, Zajdi’ pas Toses. Ai është i pazëvendësushëm. Por, ti më ke mbytur. Jam i mbaruar. Për mua, je fitues i 5 sezoneve të ardhshme”, ka thënë Tony Cetinski.

“Performanca më e mirë që kam parë. E ke lëshuar zërin”, ka thënë anëtari i jurisë, Fox.

‘Ky nuk është thjesht interpretimi më i mirë në këtë mbrëmje, por më i miri në këtë sezon”, ka thënë Ivana me lot në sy.