Marrëveshje mes Shqipërisë dhe Greqisë, lejohet hyrja pa testin Covid

Pika kufitare mes Shqipërisë dhe Greqisë, pa test Covid deri në orën 22:00

Duket se pas situatës së krijuar në kufirin me Greqinë, Ministria për Evropën dhe Punët e Jashtme si dhe Ministria e Mbrojtjes kanë konfirmuar se deri më 22:00 sot dy pikat kufitare të Kapshticës dhe Kakavijës do të jenë të hapura pa kuota dhe pa test negative Covid-19 me vete, përcjell albinfo.ch.

Sot, deri në orën 22:00 do të jenë doganat hapur ndërkohë prej nesër do të hyjë në fuqi masa e re e Greqisë me test negativ të COVID-19, formularin e përkthyer në anglisht apo dhe atë në adresën greke.

Sipas ministres Olta Xhaçka, sot deri në 22:00 do të jenë doganat hapur ndërkohë prej nesër do të hyjë në fuqi masa e re e Greqisë me test negativ të COVID-19, formularin e përkthyer në anglisht apo dhe atë në adresën greke,

‘’Kakavija dhe Kapshtica do të qëndrojnë hapur deri në orën 22:00. Risjellim në vëmendje që nesër nis kufizimi i ri nga pala greke duke vendosur kuota dhe kërkesa për formular dhe test negative. Qytetarët të mos paraqiten nesër në Kakavijë e Kapshticë pa formularin dhe testin negative. Orari i ri për ditën e sotme pas bisedimeve me palën greke’’, tha Xhaçka.

Po të njëjtat burime bënë me dije se është e pamundur që të gjithë qytetarët që sot janë në radhë në pikat kufitare të kalojnë. Por nga nesër qytetarëve që u lejohet të ikin në Greqi duhet të kenë me vete domosdoshmërisht testin negativ të COVID-19 jo më të vjetër se 72 orë, vërtetimin e përkthyer në anglisht si dhe formularin e plotësuar në adresën e autoriteteve greke.

Sa i përket marrëveshjes së sotme nuk dihet nëse ajo vlen vetëm për Kakavijën apo dhe për Kapshticën, ku tek kjo e fundit para disa orësh pala greke mbylli doganën.

 

 

---