Maskat – ‘ari’ i epokës së COVID-19

Maskat po trajtohen si ari në tregjet botërore

Mbajtja e maskave u shpall e detyrueshme në shumë zona të Kinës që nga fillimi i virusit Corona. Shumë vende po ndjekin tani shembullin. Për shembull, Austria e ka shpallur si detyrim që qytetarët të mbajnë maska, transmeton albinfo.ch.

Sidoqoftë, maskat mbrojtëse sot janë kthyer në një objekt të fuqishëm spekulativ. Madje edhe një land gjerman ra pre e mashtruesve, kur porositi maska në vlerë afër 15 milionë euro përmes një firme ndërmjetëse zvicerane, transmeton albinfo.ch.

Vlen të theksohet se firma, ku porositën zviceranët ishte firmë fantazmë, ajo kishte arritur të vidhte identitetin e një firme europiane. Tani autoritetet po hetojnë! 2,7 milionë euro u arritën të siguroshen e t’i jepen sërish landit gjerman Renani-Veriore-Vestfali, shkruan gazeta gjermane Spiegel.

Qendrat për Kontrollin dhe Parandalimin e Sëmundjeve (CDC) rekomandon një maskë fytyre të frymëmarrësit N95 për të mbrojtur nga COVID-19 me çmime dhe kërkesa super të larta.

Një maskë fytyre e frymëmarrësit N95 largon grimcat nga ajri që merren me frymë. Këta respiratorë filtrojnë të paktën 95 për qind të grimcave shumë të vogla (0.3 mikron). Këto maska janë të afta të filtrojnë të gjitha llojet e grimcave, përfshirë bakteret dhe viruset. /Albinfo.ch

---