Mavraj viziton refugjatët

Futbollisti i Kombëtares shqiptare, Mërgim Mavraj ka vizituar një kamp refugjatësh në Gjermani, shkruan albinfo. Lajmin e ka konfirmuar vetë mbrojtësi shqiptar, i cili ka luajtur futboll me refugjatët.

“Sot për vizitë në një kamp refugjatësh. Ata meritojnë përkujdesje dhe dashuri. I lumtur që sapo pak kohë u argëtova duke luajtur futboll me këta fëmijë të mrekullueshëm të cilët nuk e meritojnë aspak këtë situatë”, ka shkruar Mavraj në “Facebook”, përcjell albinfo.ch.

Mavraj njihet për veprat e tij bamirëse dhe kjo nuk është hera e parë që ai viziton njerëzit që kanë nevojë.