Mbi 500 persona nga Shqipëria kërkojnë strehim në Kosovë

Grupi i parë i personave ka arritur sot në mëngjes në qytetin e Pejës

Aktualisht sipas asaj që kanë treguar vullnetarët kosovarë, të cilët ndodhen në zonat e rrezikut në Durrës, mbi 500 shqiptarë kanë ardhur në Kosovë për të gjetur strehim, shkruan lajmi.net.

Grupi i parë i personave ka arritur sot në mëngjes në qytetin e Pejës.

Ndërkaq, në rrjete sociale, media e shumë vende është vërejtur mobilizim i jashtëzakonshëm i shtetasve kosovarë për t’u dalë në ndihmë shqiptarëve.

Të strehuarit në tenda në Thumanë e Durrës thonë se arsyeja më e madhe që ata po kërkojnë strehë në Kosovë është frika nga goditjet e radhës së tërmeteve.

---