Mbrëmja e Semimaturës 2011

Lidhja e Arsimtarëve dhe Prindërve Shqiptarë „Naim Frashëri“ të Kantonit të St. Gallenit dhe atij të Glarusit  me rastin e festës së semimaturës 2011 lëshon këtë NJ O F T I M

Kur dallgët e jetës e përplasin njeriun, nuk është me rëndësi se ku jeton, por me rëndësi është se çfarë përkushtimi ka për gjuhën dhe identitetin kombëtar.

Prandaj, edhe sot ata të cilët u larguan apo lindën në vend të huaj, por me dashurinë për gjuhën dhe kulturën kombëtare shqiptare, do të festojnë së bashku me rastin e përfundimit të mësimit në shkollën shqipe

„Mbrëmjen e Semimaturës 2011“

Ata kanë arsye të festojnë sepse përfundimi i shkollës shqipe, edhe atë në dhe të huaj ka një domethënie të veçantë. Gatishmëria e fëmijëve shqiptarë për t`u ulur në bankat e shkollës, për të mësuar gjuhën amtare është një dëshmi e fortë se gjuha është ajo që na mban gjallë.

Prandaj duke u nisur nga ky parim Semimaturantët e shkollës shqipe të Kantonit të St. Gallenit dhe atij të Glarusit do të festojnë së bashku me prindërit dhe mësuesit e tyre këtë datë të shënuar në jetën e tyre, kurse për programin argëtues do të përkujdeset këngëtarja nga Prishtina  Leonita Marjakaj.

Mbrëmja e Semimaturës organizohet  më 17 Qershor 2011, në ora 19.30, në sallën: Oberstufenzentrum Flös, Heldaustrasse 50, 9470 Buchs SG. 

              Walenstadt, 10. Qershor 2011                           Kryesia e LAPSH „Naim Frashëri“SG/GL                                                                                        Vaxhid Sejdiu – kryetar i Këshillit të Arsimtarëve