Mbreti Charles III bëri betimin dhe mori detyrat e sovranit të ri britanik (Video)

Charles ka folur para një audience pas zyrtarizimit të tij si Mbreti i ri i Mbretërisë së Bashkuar.

Charles III filloi fjalimin duke i bërë homazhe nënës së ndjerë, Mbretëreshës Elizabeth II.

#WATCH | Prince Charles III Philip Arthur George swears an oath as he is proclaimed king during an elaborate ceremony at at St James's Palace.#CharlesIII #England pic.twitter.com/vJWWzVzHyL

— Subodh Kumar (@kumarsubodh_) September 10, 2022

“Është detyra ime më e trishtuar t’ju njoftoj për vdekjen e nënës sime të dashur, Mbretëreshës”, thotë ai.

“Unë e di se sa thellë ju, i gjithë kombi, mendoj edhe e gjithë bota, po e bashkëndjeni me mua humbjen e madhe që pësuam të gjithë. Është ngushëllimi i madh për mua të shoh tërë këtë simpati që keni shprehur për nënën”, deklaroi kreu i fronit të Mbretërisë së Bashkuar.

Ai tha se pjesën tjetër të jetës që i ka mbetur do t’ia përkushtojë “rolit të ri në jetë”, raporton bbc.

Mbreti Charles III më pas ka nënshkruar dy kopje të një dokumentit të betimit për të konfirmuar se ka marrë detyrën e sovranit të ri britanik.

Një nga urdhrat e miratuar nga mbreti Charles III, gjatë ceremonisë së shpalljes, ishte që dita e funeralit të Mbretëreshës të ishte një “Bank Holiday” (ditë kur bizneset dhe institucionet financiare pushojnë së punuari).

Dëshmitarët kanë shtuar nënshkrimet e tyre në dokument. Princi William – Princi i ri i Uellsit dhe më pas Camilla, bashkëshortja e Mbretit.

Proklamata kryesore u lexua në publik për herë të parë nga Garter King of Arms nga ballkoni me pamje oborri “Friary” në St James.

Turmat të njerëzve u mblodhën jashtë për të parë rastin e rëndësishëm, duke dëgjuar një interpretim të “God Save The King” dhe tre brohoritje që i jepeshin monarkut të ri.

Ndryshe, Mbretëresha Elizabeth II ka ndërruar jetë në moshën 96-vjeçare në Pallatin Balmoral në Skoci.