McDonald mbyll 850 dyqane në Rusi

Lë papunë 62 mijë punonjës

McDonald’s ka njoftuar se do të mbyllë përkohësisht të gjitha restorantet dhe do të ndalojë të gjitha aktivitetet në Rusi.

Rrjeti i ushqimit të shpejtë është jashtëzakonisht i popullarizuar në Rusi, me rreth 850 dyqane dhe 62,000 punonjës.

McDonald’s ishte përballur me kritika në rritje për mos ndjekjen e shembullit të shumë markave të tjera të ushqimit dhe pijeve, të cilat u tërhoqën nga vendi pas pushtimit të Ukrainës.

Në një deklaratë, CEO i saj Chris Kempczinski tha se konflikti ‘ka shkaktuar vuajtje të papërshkrueshme për njerëzit e pafajshëm dhe ne i bashkohemi botës në dënimin e agresionit dhe dhunës dhe duke u lutur për paqe”.

 

---