Më 4 shtator fillon vitit ri shkollor në Kosovë

"Sivjet është risi pasi kemi vendosur që vetëm deri në klasën e gjashtë t’i shpërndajmë tekstet pasi që nga klasa e gjashtë deri në klasën e nëntë kemi përdorur rezervat e viteve paraprake”, ka thënë ministri Bajrami

Ministri në detyrë i Arsimit në Kosovë, Arsim Bajrami ka njoftuar kabinetin qeveritar se ky dikaster i ka bërë të gjitha përgatitjet e duhura që të hënën, më 4 shtator të nis viti i ri shkollor në arsimin parauniversitar në Kosovë.

Ai ka deklaruar se gjatë kohës së pushimeve është bërë furnizimi i nxënësve nga klasa e parë deri në të gjashtën me tekste shkollore. “Gjatë kohës së pushimeve është bërë renocimi dhe meremetimi i numrit të madh të shkollave”, ka thënë ai, duke shtuar: “Është bërë furnizimi i nxënësve nga klasa e parë deri në klasën e gjashtë me tekste shkollore. Sivjet është risi pasi kemi vendosur që vetëm deri në klasën e gjashtë t’i shpërndajmë tekstet pasi që nga klasa e gjashtë deri në klasën e nëntë kemi përdorur rezervat e viteve paraprake”, ka thënë ministri Bajrami, përcjell albinfo.ch.