“Më falni, nuk ju bëra krenarë”, fjalët prekëse të Kristian Prengës pas humbjes nga Joshua

Boksieri shqiptar Kristian Prenga ka reaguar për herë të parë pas humbjes me nokaut ndaj ish-kampionit botëror Anthony Joshua, duke u kërkuar falje të gjithë atyre që e mbështetën në sfidën më të madhe të karrierës së tij, përcjell albinfo.ch.

Përmes një mesazhi në rrjetet sociale, Prenga falënderoi familjen, ekipin dhe tifozët për mbështetjen, duke pranuar se nuk arriti rezultatin që kishte synuar.

“Më falni të gjithëve, nuk ju bëra krenarë”, shkroi ai, duke shtuar se kjo humbje nuk do ta ndalojë të vazhdojë rrugën e tij në boksin profesionist.

Përballja me Anthony Joshua përfundoi në raundin e dytë, pasi britaniku u rikthye fuqishëm pas dy nokdauneve të pësuara në raundin e parë dhe e mbylli duelin me nokaut teknik. Megjithatë, paraqitja e Prengës në fillim të meçit u vlerësua nga shumë analistë, pasi ai ishte shumë pranë një befasie të madhe ndaj ish-kampionit të botës.

Pavarësisht humbjes, mesazhi i Prengës është pritur me mbështetje nga tifozët shqiptarë, të cilët e kanë inkurajuar të vazhdojë karrierën dhe ta shohë këtë sfidë si një përvojë të vlefshme për të ardhmen.