Më shumë fonde për integrimin e azilkërkuesve në tregun e punës

Numri i azilkërkuesve po rritet në Gjermani, ndërsa punëdhënësit kërkojnë qasje më të lehtë të refugjatëve në tregun gjerman të punës. Por, mjetet nuk janë të mjaftueshme nga perspektiva e ministrit Federal të Punës, Andrea Nahles.

Numrat në rritje të refugjatëve dhe kërkesa e madhe e punës ka nxitur ministrin e Punës, Andrea Nahles (SPD), për një program të fortë federal për integrimin në tregun e punës.

“Kjo ka të bëjë me kushtet financiare e njerëzore dhe qendrat e punës duhet  të jenë në gjendje të sjellin refugjatë për të punuar”, tha të dielën Nahles.

Vetëm në profesionet teknike, IT, shkencat e matematikës, sipas një studimi të prezantuar pak ditë më parë, mungojnë më shumë se 137 000 punëtorë.

Prandaj, punëdhënësit janë duke kërkuar mundësitë e trajnimit të refugjatëve në Gjermani.
Nahles ka thënë se Gjermania ka nevojë për një program të pavarur federal. Më shumë para janë të nevojshme për kurset profesionale të gjuhës dhe integrimin në punë.

“Numri i refugjatëve është në rritje dhe shumë njerëz do të mbeten përgjithmonë në Gjermani për shkak të situatës në vendet e tyre të origjinës”, tha Nahles.

“Kur ne investojmë në fillim për refugjatët, do të shmangen shpenzimet e përhershme sociale dhe do t’u mundësojmë atyre një jetë të pavarur”.

Ministrja gjermane kujtoi ndër të tjera faktin se periudha e pritjes për qasje në tregun e punës së refugjatëve ka qenë e reduktuar në tre muaj.