Më shumë persona të verbër se sa është menduar

Njerëzit të cilët vetëm në moshën e pensionimit kuptojnë se kanë shikim të dëmtuar dhe migrantët zakonisht janë lënë jashtë statsitikave

Numri i personave me shikim të dëmtuar, në Zvicër është menduar se sillet në mes të 80 mijë dhe 100 mijë. Por në realitet duket se ky numër duhet të jetë shumë më i madh.

Sipas një studimi të realizuar nga Shoqata Qendrore e Zvicrës për problemet e syve del se në këtë vend jetojnë më shumë se 300 mijë persona të kategorisë së përmendur.

Të gjitha studimet më të reja tregojnë se dëmtimi i shikimit para së gjithash te personat në moshë të shtyrë është shumë më i shpeshtë se sa që është menduar deri më tash.

Kështu, njerëzit të cilët vetëm në moshën e pensionimit kuptojnë se kanë shikim të dëmtuar, shpesh nuk zënë fare vend në statistika. Po ashtu jashtë statistikave janë zakonisht edhe njerëzit me pejardhje të huaj.