Rrahmani arrin marrëveshje me klubin italian

Amir Rrahmai pritet që shumë shpejt të nënshkruaj kontratë me Napolin

Informacionet e fundit tregojnë se reprezentuesi i Kosovës, Amir Rrahmani, pritet që shumë shpejt të bëhet me klub të ri.

Sipas mediave italiane, thuhet se Rrahmani është shumë afër të bëjë një hap të madh në karrierën e tij, duke nënshkruar me Napolin verën e ardhshme.

“Tuttohellasverona.it” raporton se Napoli ka gjetur gjuhën e përbashkët me lojtarin dhe pritet që marrëveshja të mbyllet së shpejti.

Nga ana tjetër, ai me shumë mundësi do të mbetet te Verona deri në fund të këtij edicioni dhe në verë do të transferohet te Napoli.

Klubi napolitan është i interesuar edhe për bashkëlojtarin e Rrahamnit, Nordin Amrabat dhe pritet të ofrojë 30 milionë euro për dy lojtarët, transmeton zeri, përcjell albinfo.ch.

---