Mediat gjermane: Rashica largohet nga Werderi për më pak se 38 milionë euro

Milot Rashica ka klauzolë largimi në kontratën e tij me Werder Bremen në vlerë 38 milionë euro

Ylli kosovar me gjasë do të largohet nga klubi gjerman për një shumë më të vogël parash, sipas gazetës Kicker.

E përditshmja kryesore e sportit në Gjermani thotë se përderisa nuk dihet ende se kur apo nëse do të rinisë sezoni aktual në Bundesligë, ky pritet të jetë sezoni i fundit i sulmuesit nga Vushtrria në fanellën e Werderit, transmeton Gazeta Express.

Nëse Werderi ia del ta shmangë rënien nga liga, atëherë Rashica do të jetë i qasshëm për 38 milionë euro falë klauzolës së lirimit që e ka në kontratë.

Por, derisa Werderi duhet të përfitojë nga anësori i Kombëtares së Kosovës, atëherë me shumë gjasë do ta lejojë të largohet për një shumë më të ulët, sipas Kicker.

Rashica e pati një fillim sezon fantastik duke i shënuar shtatë gola dhe tri asiste në Bundesligë, por pësoi rënie në formë në pjesën e dytë të sezonit, duke dështuar të shënojë në nëntë ndeshje radhazi.

Kjo i ka shqetësuar skuadrat e interesuara për të rreth vazhdimësisë së tij, sipas Kicker.

Thuhet se Liverpooli dhe Aston Villa kanë shumë të interesuara për 23-vjeçarin, ndërkohë në Bundesligë ai është vëzhguar nga Borussia Dortmund.

---