Medikamentet kundër kancerit, “Roche” rrit profitin

Kompania farmaceutike “Roche” konfirmon parashikimin vjetor për vitin 2016, në bazë të shitjeve të forta të medikamenteve kundër kancerit, duke përfshirë “Tecentriq”, terapinë e re të imunitetit, shkruan “Reuters”.

Shitjet në tremujorin e tretë nga prodhuesi më i madh i medikamenteve kundër kancerit u rritën në 12.48 miliardë franga zvicerane (12.61 miliardë dollarë), nga 11.9 miliardë franga zvicerane për të njëjtën periudhë të vitit 2015, njofton kompania, përcjell albinfo.ch.

Vlerësimi mesatar i analistëve të anketuar nga “Reuters” ishte në shitje për 12.68 miliardë franga zvicerane.

Nga “Roche” thonë se të gjitha barnat, të lëshuara së fundi, janë të përfaqësuara mirë në treg. Produkti “Tecentriq” nga maji solli 77 milionë franga zvicerane për trajtimin e kancerit të fshikëzës. Pritet të ketë rritje pas kësaj jave, pasi rregullatorët amerikanë dhanë leje për të përdorur medikamente për trajtimin e kancerit të mushkërive.

“Në bazë të paraqitjes deri tani, unë jam i bindur se ne do të arrijmë objektivat vjetore për vitin 2016”, tha shefi ekzekutiv i “Roche”, Severin Schuon.

Kompania ka në plan për të rritur dividentin në franga zvicerane.

Shitjet për nëntë muajt e parë të vitit u rriten me 4% në kursin e këmbimit të vazhdueshëm për 37.5 miliardë franga zvicerane, pak nën mesataren e analistëve të anketuar nga “Reuters”, për 37.7 miliardë franga zvicerane.