Mehmedi i sjellë miliona franga FCZ

Admir Mehmedi përjetoi një kolorit ndjenjash gjatë ndeshjes kundër ekipit të Standard Liege. Heroi shqiptar i kombëtares zvicerane U-21, pas 20 minutave të ndeshjes, ishte penguar në zonën e rreptësisë, duke përfituar një penallti për FCZ.

Në raste të tilla, ai nuk iu përmbajt rregullave të pashkruara futbollistike që dikush tjetër ta gjuajë penalltinë, por vendosi që këtë ta bëjë personalisht. «Isha i bindur se do të shënoja», ka deklaruar pas ndeshjes për mediat zvicerane. Eksperti futbollistik zviceran Hanspeter Latour, ka kritikuar Mehmedin në pauzën e gjysmëlojës së parë, për mënyrën se si e ka gjaujtur penalltinë.

Edhe shefi sportiv i FCZ i ka dhënë vërejtjet e tij në lidhje me penalltinë: „Mesatarisht, një futbollist gjatë një stinori gjuan dy penallti“. Por Admirit nuk i bënë ndonjë përshtypje këto kritika, pasi me golin e tij të shënuar, ai i solli arkës së FCZ miliona franga në llogari.