Merdar: Shtatë orë pritje, autoritetet në Kosovë ankohen se faji është te pala serbe

Në pikën kufitare në Merdar qytetarët po presin deri në shtatë orë, ndërsa kolona është katër kilometra e gjatë.

Sipas njoftimit nga Qendra Kombëtare për Menaxhim Kufitar, kjo kolonë është duke u bërë për shkak të neglizhencës së palës serbe në kontrollin kufitar, përcjell albinfo.ch.

“Ju njoftojmë se pritjet në dalje për në Serbi në PKK Merdar janë deri në 7 orë dhe kolona 4 kilomtra e gjatë. Kjo për neglizhencën e palës serbe në kontrollin kufitar. Pala serbe është duke punuar vetëm me 2 zyrtarë policorë, njëri po merret me një korsi të autobusëve, ndërsa tjetri me katër korsi të veturave. Nga këto të dhëna besojmë se e kuptoni se si është gjendja dhe ku qëndron pengesa. Ju njoftojmë se në bashkëpunim me partnerët ndërkombëtarë jemi duke bërë çmos që të ndikojnë te pala serbe që të rrisin kapacitetet dhe të mundësojnë qarkullim më të shpejtë”, thuhet në njoftim.