Mesazhi i fëmijëve në Ditën Botërore të Internetit të Sigurt

Mbi 300 ‘Këshillues të vegjël për sigurinë online” janë angazhuar për të ndërgjegjësuar bashkëmoshataret e tyre për parandalimin dhe raportimin e situatave të dhunshme dhe të dëmshme online.

Ata përcollën mesazhin e thjeshtë: të jemi miqësorë duke u angazhuar në veprime të vogla mirësjellje – dërgimin e mesazheve mbështetëse dhe postimin e komenteve pozitive.

Fëmijët janë një pjesë e rëndësishme e zgjidhjes së problemeve në lidhje me dhunën online, bullizmin, shfrytëzimit seksual dhe abuzimin.

Në ditën botërore të Internetit të Sigurt, nga shkolla “Kosova” në Tiranë, Ministria e Arsimit, Sportit dhe Rinisë e Shqipërisë, UNICEF Albania dhe Autoriteti Kombëtar CESK  u bën thirrje qeverisë, sektorit të TIK-ut, prindërve dhe mësuesve që të dëgjojnë fëmijët dhe të përfshijë mendimin e tyre në politikat, strategjitë dhe programet që do hartojnë, për të trajtuar abuzimin dhe shfrytëzimin seksual të fëmijëve në internet. #iamsafeonline.