Messengeri bie nga sistemi, “shokohen” përdoruesit

Përdoruesit e aplikacionit për mesazhe u ankuan menjëherë nëpër rrjete sociale se “aplikacioni aktualisht nuk është në dispozicion”

Facebook Messengeri ka rënë nga sistemi të martën gjatë ditës, sipas shumë raportimeve.

Përdoruesit e aplikacionit për mesazhe u ankuan menjëherë nëpër rrjete sociale se “aplikacioni aktualisht nuk është në dispozicion”.

Çështja duket se ka prekur të gjitha llogaritë në botë, me mijëra raportime të paraqitura sipas uebfaqes “Down Detector”, që raporton për dështimet online.

Sipas kësaj uebfaqe, problemet u shfaqën mëngjesin e së martës, transmeton Albinfo.ch.

“Mesazhet nuk po dërgohen e as nuk po pranohen. Asnjë nga bisedat e mija nuk mund të hapen e as mesazhet e shkuara, thjesht një ekran i bardhë”, ka shkruar një përdorues teksa një tjetër ka shtuar: “Messengeri ka rënë në të gjitha pajisjet e mija”.

Një zyrtar i Facebookut ka pranuar problemin duke thënë se “sot disa njerëz kanë pasur probleme të pranojnë dhe dërgojnë mesazhe, por ne kemi adresuar problemin dhe kërkojmë falje për shqetësimin”.